ယနေ့ စက်တင်ဘာလ (၂၅)ရက်နေ့တွင် ကျရောက်သော ကမ္ဘာ့ဆေးဝါးပညာရှင်များနေ့ (𝐖𝐨𝐫𝐥𝐝 𝐏𝐡𝐚𝐫𝐦𝐚𝐜𝐢𝐬𝐭𝐬 𝐃𝐚𝐲) ကို “မန္တလာဆေးရုံ” မှ လှိုက်လှဲစွာ ဂုဏ်ပြုအပ်ပါသည်။ ကမ္ဘာတစ်ဝှမ်း တာဝန်ထမ်းဆောင်နေကြသော ဆေးဝါးပညာရှင်များရဲ့ အရေးပါမှုကို သိရှိစေရန်ရည်ရွယ်၍ ပြုလုပ်ကျင်းပကြခြင်း ဖြစ်ပါတယ်။

👩‍⚕️ ဆေးဝါးပညာရှင်များသည် ကမ္ဘာနှင့်အဝှမ်းရင်ဆိုင်နေရသော ကျန်းမာရေးပြသနာမျိုးစုံတို့အတွက် အရေးပါသော အခန်းကဏ္ဍတွင် ပါဝင်နေသည့်အလျောက် ဆေးကုသရေးအတွက် ဆေးဝါးများအလုံအလောက်ရရှိစေရေး၊ လူနာများအတွက်အာနိသင်ပြည့်ဝပြီး ဘေးအန္တရာယ်ကင်းရှင်းသော ဆေးဝါးသုံးစွဲမှုရရှိစေရေး ရောဂါကာကွယ်ရေးလုပ်ငန်းစဉ်များတွင် ပါဝင်လှုပ်ရှားခြင်း စသော အခန်းကဏ္ဍများ၌ ကမ္ဘာလုံးဆိုင်ရာ ကျန်းမာရေးစောင့်ရှောက်မှု ရလဒ်များ ပိုမိုတိုးတက်ကောင်းမွန်အောင် Pharmacists များမှ အဓိက ပါဝင်ဆောင်ရွက်လျက်ရှိပေသည်။

🔖 ယခုနှစ် 𝐖𝐨𝐫𝐥𝐝 𝐏𝐡𝐚𝐫𝐦𝐚𝐜𝐢𝐬𝐭𝐬 𝐃𝐚𝐲 ရဲ့ဆောင်ပုဒ်ကတော့ “𝐏𝐡𝐚𝐫𝐦𝐚𝐜𝐢𝐬𝐭𝐬 : 𝐌𝐞𝐞𝐭𝐢𝐧𝐠 𝐠𝐥𝐨𝐛𝐚𝐥 𝐡𝐞𝐚𝐥𝐭𝐡 𝐧𝐞𝐞𝐝𝐬“ ဖြစ်ပါတယ်။ အဓိပ္ပါယ်မှာဆေးဝါးပညာရှင်တို့၏ စွမ်းဆောင်ရည်များနှင့် ပေါ်ထွက်လျက်ရှိသော ကမ္ဘာ့ကျန်းမာရေးပြသနာများအပေါ် အခြေခံကာ လူနာတို့၏ ကုသမှုလိုအပ်ချက်များ အထူးသဖြင့် နာတာရှည်ရောဂါ ကာကွယ်ကုသရေး၊ ကာကွယ်ဆေးထိုးနှံခြင်း အစီအစဉ်များ နှင့် ပြည့်သူများ၏ ကျန်းမာရေးဝန်ဆောင်မှုများ အပေါ်တွင် စံချိန်းစံညွှန်းများနှင့်အညီ စောင့်ရှောက်မှုပေးနိုင်စေရန် ရည်ရွယ်ပါတယ်။

🌎 ယနေ့ ကျရောက်တဲ့ “𝐖𝐨𝐫𝐥𝐝 𝐏𝐡𝐚𝐫𝐦𝐚𝐜𝐢𝐬𝐭𝐬 𝐃𝐚𝐲” မှာ အားလုံးအတွက် ဘေးကင်း၊ ထိရောက်တဲ့ ဆေးဝါးကုသရေးအပိုင်းမှာ တာဝန်ထမ်းဆောင်နေကြတဲ့ “မန္တလာဆေးရုံ”မှ ဆေးဝါးကျွမ်းကျင်ပညာရှင်တွေအပြင် တစ်ကမ္ဘာလုံးမှာရှိတဲ့ ဆေးဝါးကျွမ်းကျင်ပညာရှင်များကို ဝမ်းမြောက်စွာ ဂုဏ်ပြုလိုက်ပါတယ် 🥳