ဖြည့်စွက်စာဆိုတာ ဘာလဲ ?အသက် (၆)လပြည့်ပြီးသား ကလေးတွေကို မိခင်နို့အပြင် ကလေးရဲ့ကြီးထွားဖွံ့ဖြိုးမှုအတွက် လိုအပ်တဲ့ အာဟာရဓာတ်တွေကို လုံလောက်စွာရရှိစေဖို့ အစားအစာများကို နည်းစနစ်မှန်မှန်၊ ပမာဏမှန်မှန် ကျွေးမွေးခြင်းဖြစ်ပါတယ်။
ဘာကြောင့် ဖြည့်စွက်စာ တိုက်ကျွေးဖို့ လိုတာလဲ ?မိခင်နို့က ကလေးကြီးထွားမှုအတွက် လုံလောက်တဲ့ အာဟာရကို အပြည့်အဝမပေးနိုင်တာကြောင့် ဖြည့်စွက်စာကို တိုက်ကျွေးသင့်ပါတယ်။
ကလေးရဲ့အသက် ဘယ်လောက်ကနေစပြီး ကျွေးလို့ရလဲ ?ကမ္ဘာ့ကျန်းမာရေးအဖွဲ့အစည်း (WHO) က ချမှတ်ထားတဲ့ စည်းကမ်းသတ်မှတ်ချက်အရ အသက် (၆)လပြည့်ပြီးသား ကလေးငယ်တွေကနေစပြီး ကျွေးလို့ရပါပြီ။
ဖြည့်စွက်စာတွေမှာ ဘယ်လိုအာဟာရတွေ ပါရမလဲ?4 Star Diet လို့ခေါ်တဲ့ အစာအုပ်စု (၄)စု ဖြစ်တဲ့
၁.ဆန်၊ ဂျုံ၊ ပြောင်း
၂.အသား၊ ငါး
၃.ပဲအမျိုးမျိုး
၄.ဟင်းသီးဟင်းရွက်နဲ့ အသီးအနှံ များကို
အုပ်စု(၄)စုလုံး မျှတအောင် ကျွေးဖို့ လိုအပ်ပါတယ်။
ဖြည့်စွက်စာ တိုက်ကျွေးနေစဉ် မိခင်နို့တိုက်ခြင်းကို ရပ်လိုက်သင့်လား ?မိခင်နို့တိုက်ခြင်းကို မရပ်လိုက်သင့်ပါဘူး။ မိခင်နို့ကို ကလေးအား တစ်နေ့ အနည်းဆုံး (၈)ကြိမ်ခန့် တိုက်ကျွေးသင့်ပါတယ်။
ဖြည့်စွက်စာကျွေးဖို့ ကလေးငယ်တွေက ဘယ်လိုအချက်တွေနဲ့ ကိုက်ညီရမလဲ ?-ခေါင်းကို ကောင်းကောင်းထောင်မတ်နိုင်ခြင်း
-ဘေးက အထိန်းမပါဘဲ ကောင်းကောင်းထိုင်နိုင်ခြင်း
-အစာပြွန်မှ အစာကို ကောင်းကောင်းမြိုချနိုင်ခြင်း
ဒီအချက် (၃) ချက်နဲ့ ကိုက်ညီရင် ဖြည့်စွက်စာ ကျွေးလို့ရပါပြီ။
ဖြည့်စွက်စာကို ဘယ်လိုစကျွေးရမှာလဲ ?Unicef Myanmar ရဲ့ ရည်ညွှန်းချက်အရ “Single Ingredient” လို့ခေါ်တဲ့ အစာတစ်မျိုးချင်းစီပဲ စကျွေးရပါမယ်။
ဘယ်အသက်အရွယ်မှာ ဖြည့်စွက်စာ ဘယ်လောက်ထိ ကျွေးလို့ရလဲ ?
အသက်(၆)လမှာ ထမင်းချည်းသက်သက်ကို ထမင်းစားဇွန်း (၂)ဇွန်းခန့်စီ မနက်၊ နေ့လည်၊ ည (၃)ကြိမ် ကျွေးလို့ရပါတယ်။အသက်(၇)လကနေ (၉)လအတွင်းမှာ ထမင်းကို တရုတ်ထမင်းပန်းကန်လုံး တစ်ဝက်ခန့်စီ မနက်၊ နေ့လည်၊ ည (၃)ကြိမ် ကျွေးလို့ရပါတယ်။ဂေါ်ဖီ၊ ပြောင်းဖူး စတဲ့ ဟင်းသီးဟင်းရွက်နဲ့ သရက်သီးအမှည့်ကို ကျေညက်အောင်ချေပြီး အဆာပြေမုန့်အနေနဲ့ ကျွေးလို့ရပါပြီ။
အသက်(၉)လကနေ (၁၂)လအတွင်းမှာ ထမင်းအပြင် အသား၊ ကိုက်လန်၊ အာလူးတွေကိုပါ စကျွေးလို့ရပြီး တရုတ်ထမင်းပန်းကန်လုံး တစ်လုံးခန့်စီ မနက်၊ နေ့လည်၊ ည (၃)ကြိမ် ကျွေးလို့ရပါတယ်။ဒီအသက်အရွယ်မှာ Figure Food လို့ခေါ်တဲ့ သရက်သီး၊ ပန်းသီး၊ ငှက်ပျောသီး၊ ထောပတ်သီး စတဲ့ အသီးတွေကို လက်မဝက်ခန့်အရွယ်တုံးပြီး ကလေးရဲ့လက်နဲ့ ကလေးကိုယ်တိုင် ကိုင်စားစေရပါမယ်။
ဒီလို စားခြင်းအားဖြင့် ကလေးရဲ့ လက်ချောင်းများ သန်စွမ်းမှု (Fine Motor Skill) ကို တိုးတက်စေပါတယ်။
(၁)နှစ်ကျော်အရွယ်မှာတော့ မိသားစုတွေစားတဲ့အတိုင်း ထမင်း၊ ဟင်းများကို ကျွေးလို့ရပါပြီ။
ဒါပေမဲ့ ဒီအချက်တွေကို ဂရုစိုက်ရပါမယ်•အရမ်းမာတဲ့အစာ မဖြစ်ရပါဘူး
•အသား၊ ငါးနဲ့ အသီးအရွက်တွေကို သေချာကျက်အောင် ချက်ပြုတ်ရပါမယ်
•ကလေးက အစာသေချာမစားရင် ကြားထဲမှာ မိခင်နို့တိုက်ကျွေးဖို့ လိုအပ်ပါတယ်
အစာအာဟာရပိုင်းဆိုင်ရာနဲ့ပတ်သတ်ပြီး ယခုထက် ပိုမိုကောင်းမွန်သောအကြံဉာဏ်နဲ့ ကျန်းမာရေးဝန်ဆောင်မှုများကိုရရှိဖို့အတွက်ဆိုရင် “မန္တလာဆေးရုံ” ရှိ အာဟာရဆရာဝန်များနှင့် လာရောက်တိုင်ပင်ဆွေးနွေးနိုင်ပါပြီ။