ဝမ်းဗိုက်ကို ကြွက်သားများနှင့် ၎င်းကြွက်သားများအားဖုံးအုပ်ထားတဲ့ အဖုံးလွှာများဖြင့်ပေါင်းစပ်ဖွဲ့စည်းထားပြီး ကြွက်သားနဲ့ အဖုံးလွှာမရှိတော့လျှင်အပေါက်တစ်ခုဖြစ်သွားမှာပါ။ ဒီအခြေအနေမှာ အူ (သို့) ဝမ်းဗိုက်အစိတ်အပိုင်းတစ်ခုဟာ ပြူထွက်လာခြင်း (သို့) တစ်နည်းအားဖြင့် ကျွံထွက်လာခြင်းကို အူကျွံခြင်းလို့ခေါ်ပါတယ်။
အများအားဖြင့် အူကျွံခြင်းဟာ ဝမ်းဗိုက်နေရာမှာ ဖြစ်တတ်ပေမယ့် ပေါင်အထက်ပိုင်းနဲ့ ပေါင်ခြံနေရာများမှာလည်း ဖြစ်နိုင်ပါတယ်။တကယ်လို့ မကုသဘဲထားလိုက်ရင် အူကျွံခြင်းဟာ အချိန်နဲ့အမျှ ပိုပြီးဆိုးရွားလာတတ်ပါတယ်။
ဘာကြောင့်ဖြစ်တာလဲ ?အူကျွံခြင်းရောဂါဟာ ဝမ်းဗိုက်ကြွက်သားများ အားစိုက်ထုတ်မှုများခြင်း(သို့) မွေးကတည်းက ဝမ်းဗိုက်ကြွက်သားများ အားနည်းနေခြင်းကြောင့် ဖြစ်တတ်ပါတယ်။
အူကျွံခြင်း အမျိုးအစားဘယ်နှမျိုးရှိလဲ ?အူကျွံခြင်းဟာ ဖြစ်ပွားတဲ့နေရာအပေါ်မူတည်ပြီး ပုံစံအမျိုးမျိုးရှိပါတယ်။
– ပေါင်ခြံနေရာတွင်အူကျွံခြင်း (Inguinal Hernia)
– ချက်နေရာတွင်အူကျွံခြင်း (Umbilical Hernia)
– ဝမ်းဗိုက်နေရာအူကျွံခြင်း (Ventral Hernia)
– ခွဲကြောင်းအူကျွံခြင်း (Incisional Hernia) ဟူ၍ အမျိုးမျိုးရှိပါတယ်။
လက္ခဏာတွေက ဘာတွေလဲ ?အချို့အူကျွံခြင်းတွေဟာ ဘာလက္ခဏာမှ မရှိတတ်ပေမယ့် တချို့တချို့မှာတော့ အလွန်နာကျင်တတ်ပါတယ်။ အရမ်းနာနေတယ် ဆိုရင်တော့ အူလိမ်သွားတာ ဖြစ်နိုင်ပြီး အရေးပေါ်ကုသဖို့ လိုနိုင်ပါတယ်။ အူကျွံခြင်းရဲ့ လက္ခဏာတွေကတော့
● ပေါင်ခြံ (သို့မဟုတ်) ဝမ်းဗိုက်မှာ အလုံးဖြစ်ခြင်း၊ တစ်ခါတစ်ရံ အလုံးမပေါ်ခင် နာကျင်ကိုက်ခဲခြင်း
● ချောင်းဆိုးချိန်ပိုနာကျင်ခြင်း
● အူပိတ်ခြင်း၊ ပျို့ချင်၊ အန်ချင်ခြင်း
● ဝမ်းဗိုက်နေရာတွင် နီရဲနာကျင်နေခြင်း
● ဝမ်းဗိုက် (သို့မဟုတ်) ပေါင်ခြံမှာ ပူစပ်ပူလောင် ဖြစ်နေခြင်း
● မတ်တတ် အကြာကြီးရပ်တဲ့အခါ နာကျင်လာခြင်း တို့ပဲဖြစ်ပါတယ်။
ဘယ်လိုကုသရမလဲ ?အသက်အရွယ်နှင့် အူကျွံခြင်းအမျိုးအစားတို့ပေါ် မူတည်ပြီး ကုသနည်း အမျိုးမျိုး ကွဲပြားနိုင်ပါတယ်။ အများစုဟာ သူ့အလိုလို သက်သာသွားတတ်ပေမယ့် တစ်ခါတစ်ရံ ခွဲစိတ်ကုသဖို့ လိုအပ်နိုင်ပါတယ်။
တကယ်လို့ အူကျွံခြင်းရောဂါဟာ သိသာထင်ရှားမှု မရှိသေးဘူးဆိုရင်
– ဝမ်းဗိုက်ဓါတ်မှန်ရိုက်ခြင်း (USG)
– ကွန်ပြူတာဓါတ်မှန်ရိုက်ခြင်း (CT Scan)
– သံလိုက်ဓါတ်မှန်ရိုက်ခြင်း (MRI) စသည်တို့ဖြင့် ရှာဖွေစစ်ဆေးနိုင်ပါတယ်။
မိမိနဲ့ မိမိပတ်ဝန်းကျင်မှာ အူကျွံတာနဲ့ပတ်သက်ပြီး ရောဂါလက္ခဏာများဖြစ်ပေါ်နေပါက “မန္တလာဆေးရုံ” တွင် ခွဲစိတ်အထူးကုဆရာဝန်ကြီးများနဲ့ လာရောက်ပြသနိုင်ပါပြီ။